Australski sen

We sztyrycatym ósmym nasiedli na wlak

Dwo syncy z Jabłónkowa - Kareł a mój tata

W kapsach płótno a ganc bez pinkli

Wylyźli w Chebu a przez dróty wtargli do świata

W Niymcach w lagru zażiwali zime, wielki głód

Trzeba to jaksi wydrżeć, to se przeżije

Po pół roku se dostali na szif

Przes Neapol, Suez, Cejlon - do Australie

Jak u nas wszecki strómy kwitnóm - tam liści spaduje

Woda mo wir z umywadła opaczny niż tu

W nocy ci świyci na ceste Jiżni krziż

W połednie zaś uwidzisz słónko na seweru

Piyrwszi dwa roki w Caboolture łómali kamiyń

Kareł se tam naszeł babe, tata tyn aż tu

Byl tam dłógo, aż do trzicatki

Nejkrasniejszi roki z Brisbane se nie wrócóm zpatki

Robił tam po hotelach - czisznika, kuchorza

Melbourne, Sydney, Adelaide - kupa cestowoł

Fuji Jama, Papua - też makoł na szifu

Od malutka mi tóm ziym do głowy lifrowoł

Jak u nas wszecki strómy kwitnóm - tam liści spaduje

Woda mo wir z umywadła opaczny niż tu

W nocy ci świyci na ceste Jiżni krziż

W połednie zaś uwidzisz słónko na seweru

Homesick je moc ciynżko nimoc - do chaupy cióngnie

Znómi straszóm - nie wracej se, tam cie to zniszczi!

Mieli ganc prowde, bo uż hned w Břeclavi

Go prziwitali z poutami "Złoci Kómuniści"

Wszecko złe na cosi dobre, aspóń żech je tu

W duchodu se tam tata podziwoł eszcze roz

Mój sen o tym, że tam też pojadym

Se mi w Maju 00 zmiynił we skuteczność

Jak u nas wszecki strómy kwitnóm - tam liści spaduje

Woda mo wir z umywadła opaczny niż tu

W nocy ci świyci na ceste Jiżni krziż

W połednie zaś uwidzisz słónko na seweru