Ar Lan Y Mor

Ar lan y môr mae rhosys cochion

Ar lan y môr mae lilis gwynion

Ar lan y môr mae 'nghariad inne

Yn cysgu'r nos a chodi'r bore

Ar lan y môr mae carreg wastad

Lle bûm yn siarad gair â'm cariad

Oddeutu hon fe dyf y lili

Ac ambell sbrigyn o rosmari

Llawn yw'r môr o swnd a chegryn

Llawn yw'r wy o wyn a melyn

Llawn yw'r coed o ddail a blode

Llawn o gariad merch wyf inne

Ar lan y môr mae cerrig gleision

Ar lan y môr mae blodau'r meibion

Ar lan y môr mae pob rinweddau

Ar lan y môr mae nghariad innau