Til Heimen Yver Havet

Snart skal eg fara

til heimen yver havet

Etter snoking rundt i verdi

lengtar eg mot nord

Hjarta spør um vegen

Eg drygjer med å svara

Det veit ikkje lenger

kvar som er heime

So mange namn

er ute or soga

So mange andlet

i framande land

Kvar hev du vore

Kva hev du gjort

Eg var ikkje der

nett då det hende

Kva hev du set

Kven hev du møtt

Eg kann fortelja

um andre stader

Um olme massars

svik mot dei veike

Um svoltne folk

som fråssa i søppel

Eg såg Island

då pengane strøymde

Dei hertok Europa

i ein vind av kokain

Jau, eg såg Noreg

fyrr ovmod vart armod

og byggherrar trælar

Det var gode tider

Eg såg la France

og han som måtte koma

No fær mobben svara

for byane dei brende

Eg låg l´Italia

so elska av soli

Politikk er meir

enn kunsten å prata

Eg såg Deutschland

Framsteget fór

yver Autobahn

Bles burt i det blå

Mykje set, mykje sagt

Takk til dykk som høyrde

Snart skal me sjåast

i heimen yver havet